პალესტინის ავტონომიის ლიდერმა, მაჰმუდ აბასმა განაცხადა, რომ ომის დასრულების შემდეგ პალესტინა მზადაა, ღაზის სექტორზე კონტროლი აიღოს, მაგრამ ეს 1967 წელს დადგენილი პალესტინის საზღვრების მიხედვით უნდა მოხდეს.

მაჰმუდ აბასის თქმით, პალესტინელებმა არაფატის მემკვიდრეობა უნდა შეინარჩუნონ და პალესტინის განმათავისუფლებელი ორგანიზაცია დაიცვან, რომელიც პალესტინას აკონტროლებს. მაჰმუდ აბასი ასევე მოითხოვს საერთაშორისო სამშვიდობო კონფერენციის ჩატარებას, რათა უზრუნველყონ „საერთაშორისო გარანტიები“, რომ ისრაელის მიერ პალესტინის ტერიტორიების ოკუპაცია დასრულდეს.

მაჰმუდ აბასი არ ეთანხმება იმ აზრს, რომ ისრაელმა, შესაძლოა, ღაზის სექტორი დაიპყროს და იქ ან დასავლეთ სანაპიროზე მცხოვრებ პალესტინელებს იძულებით გადაადგილება მოუწიოთ.