სახელმწიფო მედიის ცნობით, მაროკოში 6,8 მაგნიტუდის სიმძლავრის მიწისძვრის შედეგად, ამ დროისთვის არსებული მონაცემებით, სულ მცირე 1037 ადამიანი დაიღუპა და 1200 კი დაშავდა.

მიწისძვრა 8 სექტემბერს, ადგილობრივი დროით 22:00 საათზე მოხდა. როგორც მედია წერს, ნანგრევებში ამ დრომდე რჩებიან ადამიანები.

აშშ-ს გეოლოგიური სამსახურის ცნობით, მიწისძვრის ეპიცენტრი ატლასის მთებში, მარაკეშიდან სამხრეთ-დასავლეთით 71 კილომეტრში (44 მილი), 18,5 კილომეტრის სიღრმეზე დაფიქსირდა.

ძლიერი მიწისქვეშა ბიძგები 19 წუთის შემდეგ კვლავ განმეორდა. სტიქიამ ყველაზე მეტად სწორედ მარაკეში დააზიანა, რომელიც იუნესკო-ს მსოფლიო მემკვიდრეობის ძეგლთა სიაშია.