ჩრდილოეთ აფრიკის ქვეყნების მეტეოროლოგიური სამსახურის ინფორმაციით, მაროკოში ჰაერის ტემპერატურამ რეკორდულ მაჩვენებელს მიაღწია. ეს არის ისტორიაში პირველი შემთხვევა, როდესაც მაროკოში ტემპერატურამ 50 გრადუსს გადააჭარბა და რეკორდული 50,4 გრადუსი შეადგინა.

აღნიშნული მაჩვენებელი მეტეოროლოგიურმა სადგურმა მაროკოში, სამხრეთ სანაპირო ქალაქ აგადირში პარასკევს დააფიქსირა. სიცხემ ბოლო დღეებში ჩრდილოეთ მაროკოში ტყის ხანძრები გამოიწვია, რამაც ხეების საფარი დააზიანა, თუმცა, საბედნიეროდ, მსხვერპლი არ მოჰყოლია.

როგორც მედია წერს, ეს საგანგაშო რეკორდული ტემპერატურა კლიმატის ცვლილების შედეგებზე მოწმობს, რასაც ასევე ექნება გავლენა ამინდზე მთელს მსოფლიოში.