მეჩეთად გადაკეთებულ აია-სოფიას ტაძარში უცხოელებისთვის შესვლა ფასიანი გახდება. ამის შესახებ თურქეთის კულტურისა და ტურიზმის მინისტრმა, მეჰმეთ ნური ერსოიმ განაცხადა.

„2024 წლის 15 იანვრიდან უცხოელი ვიზიტორებისთვის აია-სოფიაში შესვლა ფასიანი გახდება. თურქეთის მოქალაქეებისთვის, რომლებიც აია-სოფიაში სალოცავად ჩამოდიან, შესვლა უფასო იქნება“, - აღნიშნა მეჰმეთ ნური ერსოიმ.

მისივე თქმით, ეს გადაწყვეტილება „იუნესკოს“ რეკომენდაციით, კულტურული მემკვიდრეობის ძეგლის მართვის გეგმის რეალიზაციის ფარგლებშია მიღებული. გარდა ამისა, 15 იანვრიდან აია-სოფიაში უცხოელი ტურისტებისა და თურქეთის მოქალაქეებისთვის ცალკე შესასვლელები მოეწყობა.