23 აგვისტო, 2022

შეერთებულმა შტატებმა უკრაინის სამხედრო დახმარების ახალ პაკეტში Excalibur-ის საბრძოლო მასალები შეიტანა, - ამის შესახებ ინფორრმაციას Politico ავრცელებს.

გამოცემა წერს, რომ ვაშინგტონის მიერ უკრაინისთვის მიწოდებული იარაღი "არ შემოიფარგლება" იმით, რაც შესაბამის სიაშია მითითებული.

Excalibur-ის მართვადი საარტილერიო ჭურვები 155 მილიმეტრიანი არტილერიისთვის გამოიყენება.

ამასთან, უკრაინული მედია Yahoo News-ზე დაყრდნობით იუწყება, რომ შეერთებულმა შტატებმა უკრაინას ATACMS-ის მართვადი ოპერატიულ-ტაქტიკური ბალისტიკური რაკეტები გადასცა, რომელიც პენტაგონის ოფიციალურ განცხადებაში ნახსენები არ ყოფილა.

შეგახსენებთ, რამდენიმე დღის წინ აშშ-ის თავდაცვის დეპარტამენტმა უკრაინისთვის გათვალისწინებული 775 მილიონი აშშ დოლარის ღირებულების თავდაცვითი აღჭურვილობისა და საბრძოლო მასალის ახალი პაკეტის შესახებ გამოაცხადა.