მედიის ცნობით, ენტონი ბლინკენმა ისრაელის მთავრობასთან ღაზაში ომის დასრულების საკითხი განიხილა
![erimedia_ravk/zShUi7hSR.jpeg](https://cdn.u.media/max/w728/erimedia_ravk/zShUi7hSR.jpeg)
აშშ-ის სახელმწიფო მდივანმა, ენტონი ბლინკენმა ისრაელის მთავრობის წარმომადგენლებთან ღაზაში ომის დასრულების საკითხი განიხილა.
როგორც ისრაელის მედია წერს, ისრაელის პრემიერ-მინისტრთან, ბენიამინ ნეთანიაჰუსთან შეხვედრის დროს, აშშ-ის სახელმწიფო მდივანმა მხარი დაუჭირა ისრაელის უფლებას, დაიცვას თავი ტერორისტული საფრთხისგან, ასევე, მხარი დაუჭირა სამომავლოდ პალესტინის სახელმწიფოს შექმნას.
ბლინკენმა ისაუბრა მძევლების გათავისუფლებასთან დაკავშირებით ძალისხმევაზე და ღაზაში ჰუმანიტარული დახმარების გაზრდის აუცილებლობაზე.
აშშ-ის სახელმწიფო მდივნის თქმით, პალესტინის სახელმწიფოს შექმნა არის საუკეთესო გზა ისრაელის მოქალაქეებისა და პალესტინელებისთვის ხანგრძლივი მშვიდობისა და უსაფრთხოების უზრუნველსაყოფად.
აშშ-ის სახელმწიფო მდივანი ასევე შეხვდა ისრაელის პრეზიდენტს, რის შემდეგაც მდინარე იორდანეს დასავლეთ ნაპირზე გაემგზავრა და მოლაპრაკებებს მართავს პალესტინის ადმინისტრაციასთან.