მიმდინარე კვირაში თურქული ლირის კურსი აშშ დოლართან მიმართებით ისტორიულ მინიმუმამდე შემცირდა. ამ დროისთვის ერთი აშშ დოლარი 27.4 თურქული ლირა ღირს.

თვის დასაწყისიდან დოლარი ლირასთან მიმართებით თითქმის 3 პროცენტით გაძვირდა. ოთხშაბათს დოლარ-ლირის კურსმა პირველად 27.66 ლირას მიაღწია, სამშაბათს კი, პირველად 27.5 ლირას გადააჭარბა. თვის დასაწყისიდან დოლარი ლირასთან მიმართებით 2.9 პროცენტით გაძვირდა, კვარტალის დასაწყისიდან – თითქმის 5.5 პროცენტით.

თურქული ვალუტა წლის დასაწყისიდან, აგვისტოს გარდა, ყოველთვიურად იკლებს. ლირა ყველაზე მეტად ივნისში დაეცა – თითქმის მეოთხედით, დოლარზე 20.8 ლირადან 26 ლირამდე.