მონიტორინგის მიზნით, ქართველი და გერმანელი წამყვანი მეცნიერები ენგურჰესზე საველე სამუშაოებს ატარებენ
17 სექტემბერი, 2022
მაღალი კაშხლის სიცოცხლისუნარიანიბის გახანგრძლივების მონიტორინგის ფარგლებში, ენგურჰესზე საველე სამუშაოები მიმდინარეობს.
ჰესის მიმდებარე ტერიტორიაზე დამონტაჟდა უნიკალური აპარატურა, დაინერგა ინოვაციური მეთოდები და ჩატარდა კომპლექსური კვლევები. საველე სამუშაოებს ქართველი და გერმანელი წამყვანი მეცნიერები ერთობლივად ახორციელებენ.
მეცნიერების განცხადებით, ჩატარებული სეისმოლოგიური, გეოლოგიური და გეოდეზიური სამუშაოების შედეგად დადგინდა, რომ 30 წლის შემდეგ ენგურჰესის ხანმედეგობა დასრულდება. უახლესი აპარატურით ჩატარებული საველე სამუშაოები კი საშუალებას იძლევა ზუსტად დადგინდეს, თუ რამდენად სიცოცხლისუნარიანია ჰესი და მოხდეს რისკების დროული აცილება. ამ ეტაპისთვის მოქმედებს სამი პროექტი, რომელიც დააფინანსა გერმანიის განათლებისა და მეცნიერების ფედერალურმა სამინისტრომ. პროექტების განხორციელება 2019 წლიდან დაიწყო და მათი საერთო ღირებულება 7. 5 მლნ. ევროზე მეტია. ადგილზე ასევე აღინიშნა, რომ პროექტების განხორციელება სასიცოცხლოდ მნიშვნელოვანია ენერგეტიკისა და ქვეყნის ენერგოდამოუკიდებლობისთვის.
