უკრაინაში, დონეცკის ოლქში დასახლება ავდეევკასთვის რუსი სამხედროების თავდასხმას სულ მცირე შვიდი ადამიანი ემსხვერპლა, რვა კი დაშავდა.

უკრაინულ მედიაზე დაყრდნობით, რუსულმა ჯარმა დარტყმა ავდეევკას ცენტრალურ ბაზარზე განახორციელა.

„ასეთ დაბომბვას არ აქვს არანაირი სამხედრო ლოგიკა – მხოლოდ რაც შეიძლება მეტი ჩვენი მოქალაქის მოკვლისა და სხვების დაშინების შეუკავებელი სწრაფვა", - განაცხადა დონეცკის სამხედრო საოლქო ინფრასტრუქტურის ხელმძღვანელმა პაველ კირილენკომ.

კირილენკო მიიჩნევს, რომ რუს სამხედროებს უკრაინის არმიისთვის წინააღმდეგობის გაწევა არ შეუძლიათ და სწორედ ამიტომ ცდილობენ სამოქალაქო პირების დახოცვას.