მოსკოვი აცხადებს, რომ ელისაბედ მეორის დაკრძალვაზე რუსეთის არ მიწვევასთან დაკავშირებით დიდი ბრიტანეთის გადაწყვეტილება "უკიდურესად ამორალურია“
16 სექტემბერი, 2022
რუსეთის საგარეო საქმეთა სამინისტროს განცხადებით, 19 სექტემბერს, დედოფალ ელისაბედ მეორის დაკრძალვაზე რუსეთის არ მიწვევასთან დაკავშირებით დიდი ბრიტანეთის გადაწყვეტილება „უკიდურესად ამორალურია“.
"ჩვენ ბრიტანეთის მცდელობას უკიდურესად ამორალურად განვიხილავთ, ეროვნული ტრაგედია, რომელიც მთელს მსოფლიოში მილიონობით ადამიანის გულს შეეხო, გეოპოლიტიკური მიზნებისთვის გამოიყენოს, რათა ანგარიში გაუსწოროს ჩვენს ქვეყანას გლოვის დღეებში”, - აღნიშნავს რუსეთის საგარეო უწყება.
ოფიციალური მოსკოვის განცხადებით, ეს განსაკუთრებით მკრეხელურია ელიზაბედ II-ის ხსოვნის მიმართ, „რომელიც ცნობილია, რომ მეორე მსოფლიო ომის დროს მსახურობდა ბრიტანეთის შეიარაღებული ძალების ტერიტორიული თავდაცვის რიგებში, რომლებიც ნაცისტებს და მათ უკრაინელ კოლაბორატორებს სტეპან ბანდერასა და რომან შუხევიჩს ებრძოდნენ“.
„ჩვენი მხრივ, ჩვენ ღრმა სამძიმარს ვუცხადებთ ბრიტანელ ხალხს იმ დიდი დანაკარგისთვის, რომელიც მათ თავს დაატყდათ” - აცხადებს რუსეთის საგარეო საქმეთა სამინისტრო.
