მთიან ყარაბაღში შექმნილ ჰუმანიტარულ ვითარებას გაეროს უშიშროების საბჭო 16 აგვისტოს განიხილავს
მთიან ყარაბაღში შექმნილ ჰუმანიტარულ ვითარებას გაეროს უშიშროების საბჭო 16 აგვისტოს განიხილავს.
გაეროს საგანგებო სხდომის მოწვევის თხოვნით, სომხეთმა მიმართა. ოფიციალური ერევანი მიიჩნევს, რომ აზერბაიჯანი მთიან ყარაბაღში ლაჩინის დერეფნის ბლოკირებას ახდენს, რის გამოც ყარაბაღში მცხოვრები ეთნიკური სომხები მძიმე ჰუმანიტარულ მდგომარეობაში არიან.
სომხეთის პრემიერ-მინისტრის თქმით, ბაქო ორ კვირაზე მეტია მთიან ყარაბაღში ჰუმანიტარული ტვირთით სავსე სატვირთო მანქანებს არ უშვებს. აზერბაიჯანის თავდაცვის უწყება კი სომხურ მხარეს პროვოკაციების მზადებაში ადანაშაულებს.
აზერბაიჯანის თავდაცვის უწყების ინფორმაციით, ბოლო დღეებში მთიანი ყარაბაღის ტერიტორიებზე, სადაც დროებით რუსეთის სამშვიდობო კონტინგენტია განლაგებული, არალეგალური სომხური შეიარაღებული ფორმირებები აქტიურობენ.
