erimedia_ravk/UPuwBVISg.jpeg

„ნაციონალური მოძრაობის“ წარმომადგენლები აცხადებენ, რომ პარტიის კონსულტანტი ბენ მალეტი საქართველოში არ შემოუშვეს

ამბები
„ნაციონალური მოძრაობის“ წარმომადგენლები აცხადებენ, რომ პარტიის კონსულტანტი ბენ მალეტი საქართველოში არ შემოუშვეს
ამბები

„ნაციონალური მოძრაობის“ წარმომადგენლები აცხადებენ, რომ პარტიის კონსულტანტი ბენ მალეტი საქართველოში არ შემოუშვეს

erimedia_ravk/UPuwBVISg.jpeg
13 ნოე

„ნაციონალური მოძრაობის“ წარმომადგენლები აცხადებენ, რომ პარტიის კონსულტანტი, ბრიტანეთის მოქალაქე ბენ მალეტი საქართველოში არ შემოუშვეს.

თბილისის საერთაშორისო აეროპორტში იმყოფებოდნენ „ნაციონალური მოძრაობის“ თავმჯდომარე ლევან ხაბეიშვილი, პარტიის გენერალური მდივანი პეტრე ცისკარიშვილი, და რეგიონული მდივანი გიორგი ბოტკოველი. ისინი პასუხს ითხოვდნენ, თუ რატომ არ შემოუშვეს მათი კონსულტანტი საქართველოში.

„ნაციონალური მოძრაობის“ წარმომადგენლების ცნობით, არშემოშვების მიზეზად დოკუმენტში მითითებულია, რომ ბენ მალეტი „არ აკმაყოფილებს საქართველოს კანონმდებლობით განსაზღვრულ სხვა მოთხოვნებს“.

„შეიძლება, რომ ბრიტანეთის მოქალაქეს არ უშვებდნენ? ლავროვს და რუს გენერლებს რომ ედებიან ფეხქვეშ, ეგ არის კარგი? ხელმძღვანელი პირი მოვიდეს და გაგვცეს პასუხი. ვარ პარლამენტის წევრი, მთავარი ოპოზიციური პარტიის თავმჯდომარე, რომლის კონსულტანტსაც, ბრიტანეთის მოქალაქეს არ უშვებენ საზღვარზე. მოვიდეს ვინმე, ვინც ამ ყველაფერზე პასუხს გამცემს. მარტო გავრილოვისთვის და რუსი გენერლებისთვის არის აქ ჩამოსვლა ნორმალური და ბრიტანეთის მოქალაქე, ჩვენი კონსულტანტი გააჩერეს საზღვარზე. მოვიდეს პასუხისმგებელი პირი და გაგვცეს პასუხი. მაინტერესებს, ბრიტანეთის მოქალაქე, ჩვენი კონსულტანტი, რომელიც ერთი კვირის წინ იყო საქართველოში, რატომ გააბრუნეთ უკან? ვერ ხვდებით, რომ დიპლომატიურ სკანდალში შეიძლება, გაეხვეთ? რამდენიმე ეთერში ვთქვი, რომ კონსულტანტებს ჩამოიყვანს „ნაციონალური მოძრაობა“, „სტრატეგია აღმაშენებელი“. ჩვენ ვთქვით, რომ ვემზადებით რუსი ოლიგარქის დასამარცხებლად, მათ შორის ერთ-ერთი იყო ბრიტანეთის მოქალაქე ბენ მალეტი, რომელიც საქართველოში იმყოფებოდა ერთი კვირის წინ და რომელიც უნდა დაგვეხმაროს რუსების დამარცხებაში. დღეს ამ ადამიანს არ უშვებენ, არადა, რამდენიმე დღის წინ აქ იყო, გაფრინდა და დღეს მოდიოდა, მაგრამ არ შემოუშვეს, რადგან ჩვენს ოფისებზე მიდის თვალთვალი, ჩვენზე მიდის თვალთვალი. ნახეს, რომ ეს ადამიანი ჩვენთან დადიოდა ოფისში. ნახეს, რომ ჩვენთან მუშაობდა. რუსები რომ ჩვენს მოქალაქეს კლავენ, ეგ ხომ არ აინტერესებთ. სამაგიეროდ, ეს აინტერესებთ, რომ ბრიტანეთის მოქალაქე, რომელიც „ნაციონალური მოძრაობის“ და „სტრატეგია აღმაშენებლის“ კონსულტანტია, არ შემოუშვეს ქვეყანაში. თვალთვალის შედეგად დაადგინეს და უმიზეზოდ უშვებენ უკან. გავრილოვს ხომ ფიანდაზებით ხვდებიან, რუს გენერლებს ამათი მინისტრი მასპინძლობს, რომელიც ცალ-ცალი ფეხსაცმლით მოვიდა და ახლა მილიონერია. ოკუპანტებს ეგებებიან და ბრიტანეთის მოქალაქე ჰყავთ დატყვევებული საზღვარზე, უმიზეზოდ აბრუნებენ უკან. ახლა არავინ არ არის, რომ პასუხი გამცეს, თუ რატომ ხდება ეს, მაგრამ „რუსულ ოცნებას“, მინდა, ვუთხრა, ბენი არ ჩამოვა? სხვა კონსულტანტი იქნება. ბრიტანეთის გარდა, დაგვეხმარებიან სხვა ქვეყნის მოქალაქეებიც, გაგვიწევენ კონსულტაციას. ეშინიათ ბიძინა ივანიშვილს და ლილუაშვილს, რომელიც როგორ იშოვოს მილიონები იმაზე ფიქრობს, ასეთ დავალებებს ასრულებს“, – განაცხადა ლევან ხაბეიშვილმა.

ხშირად ნანახი
Სარეკლამო
Სარეკლამო
ამბები
მეტი სიახლეები ამბები
„ქართული ოცნება“ - ქვეყნის სუვერენიტეტითა და უსაფრთხოებით ვაჭრობას არ ვაპირებთ, შანტაჟი ვერ გვაიძულებს, გადავდგათ ქვეყნის საწინააღმდეგო ნაბიჯი, სანქციები თავად სანქციის დამწესებელს აზიანებს
შვიდი ოპოზიციური პარტიის განცხადება - აშშ-ის მხარდაჭერა მოქალაქეების პროტესტის დამსახურებაა, ვაფასებთ აშშ-ის ძალისხმევას ჩვენი ქვეყნის ევროატლანტიკური მომავლის დაცვის საქმეში
ლევან ხაბეიშვილი - მადლობა ამერიკის შეერთებულ შტატებს ქართველი ხალხის მხარდაჭერისთვის
ალექსეი გონჩარენკო - ჩვენ უნდა ვიმოქმედოთ, შეგვიძლია, საქართველოში წავიდეთ, ქართველებო, იბრძოლეთ თავისუფლებისთვის
ენტონი ბლინკენი - ვიწყებ აშშ-სა და საქართველოს შორის ორმხრივი თანამშრომლობის ძირეულ გადახედვას, იმედი გვაქვს, საქართველოს ლიდერები გადახედავენ კანონპროექტს და გადადგამენ ნაბიჯებს ერის დემოკრატიული, ევროატლანტიკური მისწრაფებებისკენ
Სარეკლამო
გერმანიის საგარეო საქმეთა მინისტრი ანალენა ბერბოკი კიევში ჩავიდა
ერთ-ერთი ამერიკელი კონგრესმენის მიერ ინიცირებულ კანონპროექტთან დაკავშირებით „ქართული ოცნების“ პოლიტიკური საბჭო განცხადებას ავრცელებს
ირანში საპრეზიდენტო არჩევნები 28 ივნისს გაიმართება
ჰააგის სასამართლოს გადაწყვეტილების საპასუხოდ, აშშ-ის წარმომადგენელთა პალატის რესპუბლიკელი ლიდერები სანქციების დაწესებას განიხილავენ
საფრანგეთი მხარს უჭერს ჰააგის სასამართლოს გადაწყვეტილებას ისრაელის პრემიერისა და „ჰამასის“ ლიდერების დაპატიმრების ორდერის მოთხოვნის შესახებ
მეტის ჩვენება
Სარეკლამო