ნატო-ს საპარლამენტო ასამბლეაში უკრაინული დელეგაციის ხელმძღვანელი, პარტია „ხალხის მსახურის“ წარმომადგენელი, ეგორ ჩერნევი აცხადებს, რომ ომის დასრულებამდე უკრაინის ალიანსში შესვლა ნაკლებად სავარაუდოა, დიდი ალბათობით, ეს გამარჯვების შემდეგ მოხდება. ამის შესახებ მან საინფორმაციო ტელემარათონის მიმდინარეობისას განაცხადა.

„ომის დროს ასეთი შანსები ძალიან მცირეა, თუმცა, აღსანიშნავია ისიც, რომ 24 თებერვლამდე არსებული ჩვეული სქემები და წესები, რომლებსაც ჩვენ მივეჩვიეთ, ახლა იცვლება“, - აცხადებს უკრაინელი დეპუტატი.

მან არ გამორიცხა, რომ უკრაინა ნატო-ში რუსეთთან ომის დასრულებამდე გაწევრიანდეს, თუმცა აღნიშნა, რომ დიდი ალბათობით, ეს უკვე ომში გამარჯვების შემდეგ მოხდება.

შეგახსენებთ, რომ 30 სექტემბერს ვოლოდიმირ ზელენსკიმ განაცხადა, რომ უკრაინას ნატო-ში დაჩქარებული წესით გაწევრიანებაზე განაცხადი შეაქვს.