„კოლექტიური უსაფრთხოების ხელშეკრულების ორგანიზაციაში“ არის მოსაზრება, რომ ორგანიზაცია სომხეთს კარგავს, მე კი ვუპასუხე: სომხეთში წუხან, რომ ორგანიზაცია სომხეთიდან გადის, – ამის შესახებ სომხეთის პრემიერ-მინისტრმა, ნიკოლ ფაშინიანმა, სომხეთის საზოგადოებრივ მაუწყებელთან ინტერვიუში განაცხადა.

სომხეთის მთავრობის ხელმძღვანელის თქმით, როდესაც პარტნიორებთან იყო დისკუსია სომხეთის უსაფრთხოებასთან დაკავშირებით, ქვეყანამ მიიღო მკაფიო გარანტიები, რომ სომხეთის საზღვარი არის წითელი ხაზი „კოლექტიური უსაფრთხოების ხელშეკრულების ორგანიზაციისთვის“, თუმცა, როდესაც ერევანმა ორგანიზაციას დახმარებისთვის მიმართა, უცნაური პასუხი მიიღო, რომ არ არსებობს საზღვრების დელიმიტაცია და დემარკაცია.

„გაჩნდა კითხვა: სად არის წითელი ხაზი? მაშინ ჩვენ მკაფიოდ ჩამოვაყალიბეთ ამ კითხვაზე ცალსახა პასუხის საჭიროება, ეს მნიშვნელოვანია არა მარტო სომხეთისთვის, არამედ „კოლექტიური უსაფრთხოების ხელშეკრულების ორგანიზაციისთვისაც.“ იმის თქმა, რომ არ არსებობს საზღვარი სომხეთსა და აზერბაიჯანს შორის, ნიშნავს, რომ არ არსებობს „კოლექტიური უსაფრთხოების ხელშეკრულების ორგანიზაცია“, რადგან ორგანიზაციას აქვს პასუხისმგებლობის ზონა, რომელსაც აქვს მკაფიო საზღვრები. და თუ არ არის საზღვრები, მაშინ არ არის პასუხისმგებლობის სფერო, თუ არ არის პასუხისმგებლობა, მაშინ არ არსებობს თავად ორგანიზაცია. მაგალითად, არ არსებობს საზღვრების დემარკაცია რუსეთსა და ბელარუსს შორის, რუსეთსა და აზერბაიჯანს შორის. და როდესაც ახლა ბაქო ამბობს, რომ სომხეთსა და აზერბაიჯანს შორის საზღვრების დემარკაცია არ არსებობს და სასაზღვრო ვითარება სწორედ ამ მიზეზით არის გამწვავებული, ეს ნიშნავს, რომ, მაგალითად, თეორიულად, აზერბაიჯანს შეუძლია, შეიჭრას რუსეთის ტერიტორიაზე, ხოლო რუსეთის ფედერაციას – აზერბაიჯანში“, – თქვა ნიკოლ ფაშინიანმა.