სომხეთის პრემიერ-მინისტრი ნიკოლ ფაშინიანი აცხადებს, რომ მზად არის სომხეთ-აზერბაიჯანის საზღვარზე დაძაბულობის შესამცირებლად აზერბაიჯანის პრეზიდენტთან, ილჰამ ალიევთან მოლაპარაკებები გამართოს.

როგორც სომხეთის მთავრობის პრესსამსახურში განაცხადეს, აღნიშნულის შესახებ ფაშინიანმა საფრანგეთის პრეზიდენტ ემანუელ მაკრონთან სატელეფონო საუბრისას განაცხადა.

მედიის ცნობით, სომხეთის პრემიერ-მინისტრმა კიდევ ერთხელ დაადასტურა 2022 წლის 6 ოქტომბერს პრაღაში და 2023 წლის 14 მაისს ბრიუსელში დადებული შეთანხმებების ერთგულება და გამოთქვა მზადყოფნა ყველა საკითხი მხოლოდ დიპლომატიური საშუალებებით გადაწყდეს.

როგორც მედია წერს, თავის მხრივ, საფრანგეთის პრეზიდენტმა ხაზი გაუსვა დაძაბულობის შემცირების აუცილებლობას და გამოთქვა მზაობა, რეგიონში მშვიდობისა და სტაბილურობის დამყარების ძალისხმევას მხარი დაუჭიროს.