უახლოეს მომავალში უკრაინის ფრონტზე ესკალაციას უნდა ველოდოთ, - ამის შესახებ უკრაინის ეროვნული უშიშროების და თავდაცვის საბჭოს მდივანმა, ოლექსი დანილოვმა განაცხადა.

მისი თქმით, ფრონტზე ესკალაცია იმის გამო მოხდება, რომ რუსეთმა მობილიზაცია გამოაცხადა და ოკუპანტები გარკვეული ნაბიჯების გადადგმას შეეცდებიან.

ამასთან, დანილოვი ირწმუნება, რომ უკრაინის შეიარაღებული ძალები მოვლენების ნებისმიერი განვითარებისთვის მზად არიან.

„რუსეთი შეეცდება მაქსიმალური ზიანი მოგვაყენოს, მაგრამ ჩვენ გვჯერა ჩვენი შეიარაღებული ძალების. მადლობელი ვართ ყველასი, ვინც წინ მიიწევს ხარკოვისა და ლუგანსკის მიმართულებით. ჩვენ მადლობელი ვართ მათი, ვინც დონეცკის მიმართულებას იცავს, და ასევე სხვების. გვესმის, რა ხდება ფრონტზე. ჩვენი ჯარები მზად არიან მოვლენების ნებისმიერი განვითარებისთვის. მიგვაჩნია, რომ უახლოეს მომავალში იქნება რუსეთის ფედერაციის მხრიდან ესკალაციის მცდელობა, რადგან მათთან მობილიზაცია მიმდინარეობს“, - განაცხადა დანილოვმა.