ისრაელი ვერასოდეს გაანადგურებს „ჰამასს“, იმიტომ რომ „ჰამასი“ არაა მხოლოდ ღაზაში, ეს არის იდეა და არა მხოლოდ ღაზაში მდებარე სამხედრო სტრუქტურა ან ორგანიზაცია, - ამის შესახებ France24-თან ინტერვიუში პალესტინის პრემიერ-მინისტრმა, მუჰამედ შტაიემ განაცხადა.

მისივე თქმით, პალესტინა ღაზაში დაუყოვნებლივ ზავს ითხოვს, თუმცა „ისრაელი შურისძიების რეჟიმშია გადასული“ და ამიტომ ცეცხლის შეწყვეტა არ სურს.

„ისრაელი ვერასოდეს მიაღწევს დასახულ მიზნებს, მათ შორის ვერასოდეს გაანადგურებს „ჰამასს“, იმიტომ რომ „ჰამასი“ არაა მხოლოდ ღაზაში. ეს არის იდეა, და არა ღაზაში მდებარე სამხედრო სტრუქტურა ან ორგანიზაცია. „ჰამასი“ არის იორდანეს დასავლეთ ნაპირზე, ლიბანში, სირიაში, „ჰამასის“ ხელმძღვანელობა კატარში იმყოფება... „ჰამასის“ სრული განადგურება - ეს შეუსრულებელი ამოცანაა“, - აღნიშნავს მუჰამედ შტაიე.