პარიზში WikiLeaks-ის დამფუძნებლის, ჯულიან ასანჟის მხარდასაჭერად „ყვითელი ჟილეტების“ დემონსტრაცია მიმდინარეობს, - ამის შესახებ "რია ნოვოსტი" იუწყება.

აქცია ადგილობრივი დროით 14:30 საათიდან დაიწყო. დემონტრანტების თქმით, ის თავისუფალი სიტყვის მხარდასაჭერად და ფრანგული მასმედიის მიერ გავრცელებული ცრუ ინფორმაციების წინააღმდეგ ტარდება. მიტინგზე ასევე ისმის მოწოდებები პრეზიდენტ მაკრონის გადადგომის, ნატო-დან და ევროკავშირიდან გამოსვლის და უკრაინისთვის იარაღის მიწოდების შეწყვეტის მოთხოვნით.

"ჩვენ ვიკრიბებით სააგენტო „ფრანს-პრესი“-სა და ტელეკომპანია "BFM TV"-ს ფანჯრებთან, რათა ვაჩვენოთ, რომ ვგმობთ ყველა სიცრუეს, რასაც ისინი ავრცელებენ და გამოვხატავთ ჩვენს მხარდაჭერას ჟურნალისტის, ჯულიან ასანჟის მიმართ. მან ბევრი სახელმწიფო დოკუმენტი გამოქვეყნა, მათ შორის, კლინტონის, ბაიდენის, მაკრონის ოჯახების შესახებაც. იმედს ვიტოვებთ, რომ საზოგადოების მხარდაჭერით ასანჟის საქმე შეიძლება წინ წავიდეს", - განაცხადა აქციის ერთ-ერთმა მონაწილემ, რომელიც მიტინგზე მისული იყო პლაკატით "ჯულიან ასანჟი - ნამდვილი ჟურნალისტია".

„ვიკილიქსის“ დამფუძნებლის, ჯულიან ასანჟის დაპატიმრების ორდერი შვედეთმა 2010 წლის ნოემბერში გასცა. 2012 წლიდან ის ლონდონში, ეკვადორის საელჩოში იმალებოდა. 2019 წლის 11 აპრილის დილას კი დააპატიმრეს.