პენტაგონის თქმით, პოლონეთის მხრიდან უკრაინისთვის სამხედრო დახმარების შეწყვეტა "სუვერენული გადაწყვეტილებაა"
აშშ-ის თავდაცვის დეპარტამენტის განცხადებით, პოლონეთის გადაწყვეტილება, შეწყვიტოს იარაღის მიწოდება უკრაინისთვის „სუვერენული გადაწყვეტილებაა“.
„ჩვენ ყოველთვის ვამბობდით, რომ ნებისმიერი ქვეყნის სუვერენული გადაწყვეტილებაა, რომ გადაწყვიტონ, რა დონის მხარდაჭერის გაწევას აპირებენ”, – აღნიშნა პენტაგონის პრესმდივანმა, პატრიკ რაიდერმა.
რაიდერი ვერ აკონკრეტებს, გამოიწვევს თუ არა პოლონეთის გადაწყვეტილება სხვა ქვეყნების მხრიდან უკრაინისთვის მეტი დახმარების მიწოდების აუცილებლობას, მაგრამ ხაზი გაუსვა პოლონეთის მიერ უკვე გაწეულ დახმარებას.
„პოლონეთი იყო ერთ-ერთი წამყვანი ქვეყანა უკრაინაში უსაფრთხოების უზრუნველყოფის თვალსაზრისით. არა მხოლოდ უსაფრთხოების, არამედ მნიშვნელოვანი ჰუმანიტარული დახმარებისა და მხარდაჭერის კუთხით მილიონზე მეტი დევნილი უკრაინელისთვის, რომლებმაც პოლონეთს შეაფარეს თავი რუსეთის შეჭრის შემდეგ“, – განაცხადა რაიდერმა.
