პენტაგონში აცხადებენ, რომ 17 ოქტომბრის შემდეგ ერაყსა და სირიაში აშშ-ის ბაზებს 38-ჯერ დაესხნენ თავს
პენტაგონში აცხადებენ, რომ 17 ოქტომბრის შემდეგ ერაყსა და სირიაში აშშ-ის ბაზებს 38-ჯერ დაესხნენ თავს. პენტაგონის სპიკერის, პეტ რაიდერის თქმით, თავდასხმების უმეტესობა რაკეტებითა და უპილოტო თვითმფრინავებით იყო განხორციელებული. როგორც პეტ რაიდერმა აღნიშნა, თავდასხმები, სავარაუდოდ, ირანთან დაკავშირებულმა ჯგუფებმა განახორციელეს.
პენტაგონის სპიკერმა ასევე განაცხადა, რომ თავდასხმის შედეგად, სულ მცირე, 45 ამერიკელმა პერსონალმა მიიღო დაზიანება, მათ შორის 24-ს ტვინის ტრავმული დაზიანებები აღენიშნებოდა.
„აშშ-ს ახლო აღმოსავლეთში ახლა ოთხი ძირითადი მიზანი აქვს: რეგიონში აშშ-ის ძალებისა და მოქალაქეების დაცვა, ისრაელის თავდაცვისთვის საჭირო „კრიტიკული უსაფრთხოების დახმარების“ უზრუნველყოფა, მძევლების გათავისუფლებაში ისრაელისთვის დახმარება, მდგომარეობის გაძლიერება რეგიონში, რათა თავიდან იყოს აცილებული კრიზისი ღაზის ფარგლებს გარეთ.
