პიტერ სიიარტო - გადაწყვეტილება საქართველოსათვის ევროკავშირის სტატუსის არ მინიჭების შესახებ, ეწინააღმდეგება არა მარტო უნგრეთის, არამედ მთლიანად ევროკავშირის ინტერესებს
30 ივლისი, 2022
საქართველოსთვის უნდა მიენიჭებინათ კანდიდატის სტატუსი - გადაწყვეტილება საქართველოსათვის ამ სტატუსის არ მინიჭების შესახებ, ეწინააღმდეგება არა მარტო უნგრეთის, არამედ მთლიანად ევროკავშირის ინტერესებს,- ამის შესახებ უნგრეთის საგარეო საქმეთა მინისტრმა, პიტერ სიიარტომ საქართველოს საგარეო საქმეთა მინისტრთან შეხვედრაზე განაცხადა.
როგორც პიტერ სიიარტო აღნიშნავს, საქართველოსთვის სტატუსის არ მინიჭება „ქართველი ერის მიმართ უპატივცემულობას და შესაძლებლობის გაფლანგვას წარმოადგენს“.
“ჩემი მოსაზრებით, საქართველოსთვის კანდიდატის სტატუსი უნდა მიენიჭებინათ. ვფიქრობ, საქართველომ და საქართველოს მოსახლეობამ ეს სტატუსი დაიმსახურა. გადაწყვეტილება საქართველოსათვის ამ სტატუსის არმინიჭების შესახებ, ეწინააღმდეგება არა მარტო უნგრეთის, არამედ მთლიანად ევროკავშირის ინტერესებს და ევროკავშირის გაძლიერების მცდელობას. ეს გადაწყვეტილება ქართველი ერის მიმართ უპატივცემულობას და შესაძლებლობის გაფლანგვას წარმოადგენს“,- აღნიშნავს მინისტრი.
