24 სექტემბერი, 2022

უნგრეთის საგარეო საქმეთა მინისტრმა, პიტერ სიიარტომ სინანული გამოთქვა იმის გამო, რომ ევროკავშირის წარმომადგენლებიდან ერთადერთი აღმოჩნდა, რომელმაც გაერო-ს ასამბლეის ფარგლებში რუსეთის ფედერაციის საგარეო საქმეთა მინისტრ, სერგეი ლავროვთან შეხვედრა გამართა. მისი თქმით, ევროკავშირმა რუსეთთან დიალოგისთვის ნებისმიერი შესაძლებლობა უნდა გამოიყენოს.

მინისტრთა შორის მოლაპარაკებები ხუთშაბათს ნიუ-იორკში გაიმართა.

"ვწუხვარ, რომ მე ევროკავშირიდან ერთადერთი აღმოვჩნდი, ვინც მას [ლავროვს] ესაუბრა, ვინაიდან, თუ სერგეი ლავროვს უფრო მეტი ჩენი კოლეგა დაელაპარაკება, შესაძლოა, ამან ხელი შეუწყოს კონფლიქტის მოგვარებას. ყოველი შემთხვევისთვის, ამის რაღაც შესაძლებლობა მაინც გაჩნდება. ახლაც ვფიქრობ, რომ მოცემულ ვითარებაში ჩვენ ყველა შანსი უნდა გამოვიყენოთ", - განაცხადა სიიარტომ.

მან ასევე დასძინა, რომ ლავროვთან მუდმივ კავშირზე იმყოფება. "ვინაიდან, მიმაჩნია, რომ დიალოგი და განხილვა აუცილებლად უნდა გაგრძელდეს, განსაკუთრებით შექმნილ ვითარებაში, როდესაც დაძაბულობა მატულობს და ომის ესკალაციის საშიშროება, სამწუხაროდ, რეალურია. თუ ერთმანეთს არ დაველაპარაკებით, უფრო მეტ სერიოზულ ზიანს გამოვიწვევთ", - აღნიშნა სიიარტომ.

მინისტრის თქმით, "თუ არ იქნება დიალოგი დასავლეთსა და რუსეთს - ევროპასა და რუსეთს - შორის, ყველაფერი იმაზე უარესად შეიძლება გაგრძელდეს, ვიდრე აქამდე იყო". "ეს თავიდან უნდა იქნას აცილებული", - დასძინა სიიარტომ.