აშშ-ის წარმომადგენელთა პალატის სპიკერმა, ნენსი პელოსიმ უკრაინის ნატო-ში "დაჩქარებული წესით" გაწევრიანების შესახებ მოთხოვნის მხარდაჭერაზე თავი შეიკავა.

POLITICO-ს კითხვაზე, მხარს უჭერდა თუ არა უკრაინას ნატო-ში შესვლას, პელოსიმ უარი თქვა ამ წინადადებისთვის ცალსახად დაეჭირა მხარი, თუმცა, აღნიშნა, რომ მხარს უჭერს კიევის „უსაფრთხოების გარანტიას“.

"ჩვენ ვრჩებით უკრაინაში დემოკრატიის მხარდაჭერის ერთგულები", - განაცხადა პელოსიმ.

უკრაინის განცხადება, ნატო-ში დაჩქარებული წესით შესვლასთან დაკავშირებით ბაიდენის ადმინისტრაციისთვის სიურპრიზი აღმოჩნდა, განაცხადა ორმა ამერიკელმა მაღალჩინოსანმა, რომლებსაც შიდა განხილვებზე მიუწვდებათ ხელი.

უკრაინის ნატოში გაწევრიანება დიდი ხანია მწვავე თემა იყო ვაშინგტონში, ქარტიის მე-5 მუხლის გამო, რომელიც აშშ-ს ავალდებულებს სამხედრო ძალით დაიცვას ნებისმიერი წევრი ქვეყანა, რომელსაც თავს დაესხმებიან.

დასავლეთი შიშობს, რომ უკრაინის დაუყოვნებლივ შესვლა ნატოში - რაც მოითხოვს 30-ვე წევრი ქვეყნის ერთსულოვან თანხმობას - შეერთებულ შტატებისა და რუსეთის საომარ მდგომარეობაში ჩაყენებას გამოიწვევს.