erimedia_ravk/F4nB9dPSR.webp

„პოლიტიკო“ - ურსულა ფონ დერ ლაიენი უცხოურ გავლენას საარჩევნო კამპანიის მთავარ, საკვანძო საკითხად აქცევს

ამბები
„პოლიტიკო“ - ურსულა ფონ დერ ლაიენი უცხოურ გავლენას საარჩევნო კამპანიის მთავარ, საკვანძო საკითხად აქცევს
ამბები

„პოლიტიკო“ - ურსულა ფონ დერ ლაიენი უცხოურ გავლენას საარჩევნო კამპანიის მთავარ, საკვანძო საკითხად აქცევს

erimedia_ravk/F4nB9dPSR.webp
19 მაი

გამოცემა „პოლიტიკო“ წერს, რომ „ურსულა ფონ დერ ლაიენი, რომელიც ევროკომისიის პრეზიდენტად მეორე ვადით ცდილობს დარჩენას, უცხოურ ჩარევებს საარჩევნო კამპანიის მთავარ, საკვანძო საკითხად აქცევს“.

ევროკომისიის პრეზიდენტის თქმით, ევროპა არ არის საკმარისად მზად, გაუმკლავდეს რუსეთის მსგავსი მტრების ჩარევას.

ევროპულ არჩევნებამდე ერთი თვით ადრე ფონ დერ ლაიენმა დანიაში წინასაარჩევნო სიტყვით გამოსვლისას აღნიშნა, რომ ევროპული დემოკრატიის დასაცავად საჭიროა უფრო ქმედითი ნაბიჯები უცხოური ჩარევების წინააღმდეგ. ოთხშაბათს კი მან ევროკომისრებს მიმართა და გააფრთხილა, რომ მოსალოდნელია დეზინფორმაციული და ჰაკერული შემოტევები.

„გვსურს თუ არა ძლიერი ევროპა, რომელიც იბრძვის ჩვენი ღირებულებებისა და დემოკრატიისთვის? ან, მეორე მხრივ, ვაძლევთ თუ არა ჩვენი დემოკრატიების მიტაცების უფლებას ავტორიტარებსა და მარიონეტებს?“ – აღნიშნა ევროკომისიის პრეზიდენტმა კოპენჰაგენის დემოკრატიის სამიტზე სიტყვით გამოსვლისას.

ფონ დერ ლაიენის განცხადებით, მეორე ვადით არჩევის შემთხვევაში ის შექმნის „ევროპული დემოკრატიის ფარს“, რათა უცხოურ ჩარევებს შეებრძოლოს. მან ასევე აღნიშნა, რომ მსგავსი საფრთხეებისთვის ევროპა საკმარისად დაცული და ორგანიზებული არ არის და არ შეუძლია, სათანადო წინააღმდეგობა გაუწიოს უცხოურ ჩარევას.

ევროკომისიის პრეზიდენტის განცხადებით, კიბერშეტევების შემთხვევები გაიზარდა, მათ შორის, საკუთარ საარჩევნო ვებსაიტებზეც.

„ხელოვნური ინტელექტი (AI) ახლა საშუალებას იძლევა, შექმნას წარმოუდგენლად რეალისტური „ფეიქი“, რომელსაც შეუძლია, დესტაბილიზაციის გამომწვევი როლი იქონიოს საარჩევნო კამპანიაში“, – აღნიშნა მან.

„პოლიტიკო“ წერს, რომ გეგმა, რომელიც ფონ დერ ლაიენმა მეორე ვადით არჩევის შემთხვევაში წამოაყენა, მოიცავს დეზინფორმაციის წინააღმდეგ ევროპული განყოფილების შექმნას.

გამოცემის ცნობით, ევროკავშირის ქვეყნები ასევე ემზადებიან ერთობლივი რეაგირების ჯგუფების შესაქმნელად, რომლებიც ფოკუსირდებიან ჰიბრიდულ საფრთხეებზე, მათ შორის, დივერსიასა და ინფორმაცით მანიპულაციაზე.

ხშირად ნანახი
Სარეკლამო
Სარეკლამო
მეტი სიახლეები ამბები
საფრანგეთის პარლამენტის ორივე პალატის დეპუტატთა ჯგუფი საგარეო ჩარევის შესახებ კანონპროექტის ტექსტზე შეთანხმდა
იტალიის საგარეო საქმეთა მინისტრი - იტალია უკრაინისთვის მიწოდებული იარაღის რუსეთის ტერიტორიაზე დარტყმებისთვის გამოყენებას არ დაუშვებს
გერმანია უკრაინას რუსეთის ტერიტორიაზე მათ მიერ მიწოდებული იარაღის გამოყენების უფლებას აძლევს
სლოვაკეთის პრემიერ-მინისტრი საავადმყოფოდან გაწერეს
ვიქტორ ორბანი - ნატო ყოველ კვირას სულ უფრო უახლოვდება ომს
Სარეკლამო
„როიტერი“ - ჩინეთი შვეიცარიაში, ივნისში დაგეგმილ უკრაინის სამშვიდობო სამიტს არ შეუერთდება, რადგან მხარს უჭერს რუსეთის და უკრაინის თანასწორ მონაწილეობას
ნიუ იორკის ნაფიც მსაჯულთა სასამართლომ დონალდ ტრამპი სისხლის სამართლის საქმეზე დამნაშავედ ცნო
თეთრი სახლის ცნობით, ოფიციალური ვიზიტის ფარგლებში, ჯო ბაიდენი 8 ივნისს საფრანგეთში ჩავა
„პოლიტიკო“ - ჯო ბაიდენმა უკრაინას ფარულად მისცა უფლება, აშშ-ის მიერ მიწოდებული იარაღის გამოყენებით რუსეთის ტერიტორიაზე დარტყმები განახორციელოს, თუმცა მხოლოდ ხარკოვის მახლობლად
საფრანგეთში დეპუტატები უცხოური ჩარევის წინააღმდეგ კანონის ტექსტზე შეთანხმდნენ
მეტის ჩვენება
Სარეკლამო