18 სექტემბერი, 2022

რაგბი ევროპის სუპერთასზე პირველ ტურში მოპოვებული გამარჯვების შემდეგ, ქართული ფრენჩაიზი „შავი ლომი“ ისრაელის გუნდს „თელ ავივ ჰითს“ დაუპირისპირდა და შეხვედრა ფრედ დაასრულა 25:25.

მატჩის პირველი ტაიმი კარგად დავიწყეთ და აკაკი ტაბუცაძის ლელოს წყალობით 7 ქულით წინ ვიყავით. მიუხედავად ამისა, მეტოქემ მაინც მოახერხა უპირატესობის მოპოვება და შესვენებამდე 4-ქულიანი სხვაობით ვაგებდით. მეორე ნახევარში ლელო კვლავ მივიღეთ და სხვაობა 9-ქულიანი იყო, მაგრამ ლაშა ლომიძისა და დავით აბდუშელიშვილის ლელოების შემდეგ შეხვედრა ფრედ დასრულდა.

სატურნირო ცხრილში 2 ტურის შემდეგ „შავი ლომი“ 7 ქულით პირველ ადგილს იკავებს. 1 კვირაში, 25 სექტემბერს ქართული ფრენჩაიზი „რუმინულ ვულვზს“ დაუპირისპირდება, რომელიც 5 ქულით მე-3 ადგილზეა. 6 ქულა აქვს მეორე ადგილზე მყოფ „თელ ავივ ჰითს“, ხოლო ბოლო ადგილზე უქულოდ კიდევ ერთი ქართული გუნდი „ბათუმია“.