27 აგვისტო, 2022

ინფრასტრუქტურის სამინისტროს მუნიციპალური განვითარების ფონდმა ყაზბეგის, თუშეთისა და ფშავ-ხევსურეთის დაცულ ტერიტორიებზე ტურისტული ბილიკების მოწყობისა და ტურისტული კოტეჯების დადგმისთვის 27-მილიონიანი ტენდერი გამოაცხადა. მშენებლობას მსოფლიო ბანკი რეგიონული განვითარების მესამე პროექტით აფინანსებს.

პროექტის ძირითადი მიზანია ყაზბეგის, ფშავ-ხევსურეთის და თუშეთის დაცული ტერიტორიებისთვის მდგრადი ვიზიტორთა ბილიკებისა და მთის ქოხების განვითარება. ჯუთა - ომალოს ბილიკების ქსელი მოიცავს კავკასიონის ქედის ჩრდილო კალთებზე ისტორიულ ხევს, მცხეთა-მთიანეთის რეგიონს, დუშეთის მიუნიციპალიტეტსა და აღმოსავლეთ კავკასიონზე თუშეთის ქვაბულს. ყველაზე დაბალი წერტილი ზღვის დონიდან 900 მ-ზე მდებარეობს, ხოლო ყველაზე მაღალი წერტილი ზღვის დონიდან 3,431 მ-ია.

საფეხმავლო მარშრუტზე, საბაზისო ინფრასტრუქტურის სახით, შემდეგი ობიექტების განთავსებაა გათვალისწინებული: ხიდები, მოაჯირები და კლდის საფეხურები. ხიდები - მარშრუტზე სხვადასხვა სიგრძის (4-დან 16-მეტრამდე) ხიდების დროებითი და სტანდარტული კონსტრუქსაფეხმავლო მარშრუტზე, საბაზისო ინფრასტრუქტურის სახით, შემდეგი ობიექტების განთავსებაა გათვალისწინებული: ხიდები, მოაჯირები და კლდის საფეხურები. ხიდები - მარშრუტზე სხვადასხვა სიგრძის (4-დან 16-მეტრამდე) ხიდების დროებითი და სტანდარტული კონსტრუქციებია გათვალისწინებული. ასევე იგეგმება ლოდებით მოწყობილი ფონური ხიდების განთავსება.

პროექტით გათვალისწინებულია ღამის სათევი ქოხების მოწყობა 7 ლოკაციაზე:

• აბუდელაური - ყაზბეგის ეროვნული პარკის და არაგვის დაცული ლანდშაფტის ტერიტორია;

• ზედა ტანიე- ყაზბეგის ეროვნული პარკის და არაგვის დაცული ლანდშაფტის ტერიტოტია;

• არხოტის თავი - ფშავ-ხევსურეთის ეროვნული პარკის ტერიტორია;

• დათვისჯვარი - ფშავ-ხევსურეთის ეროვნული პარკის ტერიტორია;

• ქვედა ტანიე - ფშავ-ხევსურეთის ეროვნული პარკის ტერიტორია;

• ხიდოტანი - ფშავ-ხევსურეთის ეროვნული პარკის ტერიტორია;

• ქვახიდი - თუშეთის ეროვნული პარკი და თუშეთის დაცული ლანდშაფტის ტერიტორია", - ნათქვამია დოკუმენტში.

სატენდერო პირობების მიხედვით, ტენდერში მონაწილე კომპანიას უნდა გააჩნდეს 2017 წლის შემდგომ მინიმუმ 13.5 მილიონი ლარის ღირებულების მსგავსი სირთულის კონტრაქტის შესრულების გამოცდილება.