რაგბის მსოფლიო თასზე საქართველოს ნაკრები მესამე შეხვედრას ფიჯის ნაკრების წინააღმდეგ ჩაატარებს. მატჩი ბორდოში 30 სექტემბერს გაიმართება და 19:45 საათზე დაიწყება.

შეხვედრას გუნდებისთვის დიდი მნიშვნელობა აქვს. ფიჯის ნაკრები C ჯგუფში მეორე ადგილზეა და მეოთხედფინალში გასვლის კარგი შანსი აქვს, საქართველო კი შეეცდება, ჯგუფურ ეტაპზე მესამე ადგილისთვის იბრძოლოს, რაც მომავალ მსოფლიო თასზე ავტომატურად თამაშის შესაძლებლობას მისცემს.

„ბორჯღალოსნებმა“ საფრანგეთში ორი მატჩი ჩაატარეს და ჯერჯერობით მოგების გარეშე არიან – პირველ შეხვედრაში საქართველოს ნაკრები ავსტრალიასთან დამარცხდა (15:35), ერთი კვირის წინ კი პორტუგალიასთან ფრედ ითამაშა (18:18).

დღევანდელ შეხვედრას საქართველოს ნაკრები დანაკლისით ხვდება, ტრავმების გამო გუნდს ბექა გორგაძე, ლუკა ჯაფარიძე (ისინი მსოფლიო თასზე ვეღარ ითამაშებენ) და გუნდის კაპიტანი მერაბ შარიქაძე დააკლდებიან. მის არყოფნაში ნაკრებს მიხეილ ნარიაშვილი უკაპიტნებს.

შემადგენლობები:

საქართველო

ხაზი: 15. მირიან მოდებაძე („შავი ლომი“), 14. აკაკი ტაბუცაძე („შავი ლომი“), 13. დემურ თაფლაძე („შავი ლომი“), 12. გიორგი კვესელაძე („გლოსთერი“), 11. დავით ნინიაშვილი („ლიონი“), 10. ლუკა მატკავა („შავი ლომი“), 9. ვასილ ლობჟანიძე („ბრივი“).

შერკინება: 1. მიხეილ ნარიაშვილი („შავი ლომი“, კაპ.), 2. თენგიზ ზამთარაძე („შავი ლომი“), 3. ბექა გიგაშვილი („ტულონი“), 4. ლაშა ჯაიანი („ნევერი“), 5. კოტე მიქაუტაძე („ბეიონი“), 6. მიხეილ გაჩეჩილაძე („შავი ლომი“), 7. ბექა საღინაძე („ლიონი“), 8. თორნიკე ჯალაღონია („ბიარიცი“).

მარქაფა: 16. ლუკა ნიორაძე („ორიაკი“), 17. ნიკა აბულაძე („ექსეთერ ჩიფსი“), 18. ირაკლი აფციაური („გრენობლი“), 19. ნოდარ ჭეიშვილი („შავი ლომი“), 20. ლუკა ივანიშვილი („შავი ლომი“); 21. გელა აფრასიძე („ბეიონი“), 22. თედო აბჟანდაძე („მონტობანი“), 23. თორნიკე კახოიძე („შავი ლომი“).

ფიჯი

ხაზი: 15. ილაისა დროასესე, 14. სელესიტინო რავუტაუმადა, 13. ვაისეა ნაიაკალევუ, 12. იოსუა ტუისოვა, 11. სემი რადრადრა, 10. ტეტი ტელა, 9. სიმიონე კურუვოლი.

შერკინება: 1. ერონი მავი, 2. სამუელ მატავესი, 3. ლუკე ტაგი, 4. ისოა ნასილასილა, 5. ტე აჰივალუ ჩირიკიდავეტა, 6. ლეკიმა ტაგიტაგივალუ, 7. ლევანი ბოტია, 8. ვილიამე მატა.

მარქაფა: 16. ტევიტა იკანირავე, 17. რანი რავაი, 18. სამუ ტავაკე, 19. ტემო მაიანავანუა, 20. ალბერ ტუისუე, 21. ფრანკ ლომანი, 22. ვილიმონი ბოტიტუ, 23. ვინაია ჰაბოსი.