2 სექტემბერი, 2022

ბოლო ორი დღეა, „ტვიტერში“ სხვადასხვა ქვეყნის ლიდერები და კომპანიები ერთსიტყვიან პოსტებს აქვეყნებენ. მაგალითად, ამერიკის შეერთებული შტატების პრეზიდენტმა, ჯო ბაიდენმა დაწერა – „დემოკრატია“, გერ­მა­ნი­ის კანცლე­რმა, ოლაფ შოლ­ცმა - "პა­ტი­ვის­ცე­მა", უკრაინის პრეზიდენტმა, ვოლოდიმირ ზელენსკიმ – „თავისუფლება“, „ნასამ“ – „სამყარო“, „ვაშინგტონ პოსტმა“ – „ნიუსი“.

სინამდვილეში კი, ყვე­ლა­ფე­რი ხუთ­შა­ბათს, შემთხვევითობის წყალობით დაიწყო: მატარებლის კომპანია Amtrak-ის გვერდზე შემთხვევით ერთსიტყვიანი პოსტი გაჩნდა – „მატარებლები“.

ეს შემთხვევა ძალიან მალე გახდა პოპულარული სო­ცი­ა­ლურ ქსელში და ერთგვარ კამ­პა­ნი­ა­ში გა­და­ი­ზარ­და, რო­მელ­საც სხვადასხვა კომ­პა­ნი­ე­ბი და ცნობილი ადა­მი­ა­ნე­ბი შე­უ­ერ­თდნენ. მთავარ მიზნად კი კომპანიის ან ადამიანისთვის მთა­ვა­რი ღი­რე­ბუ­ლე­ბის მხო­ლოდ ერთი სი­ტყვით აღ­წე­რა გახდა. ფლეშ­მობ­ში უკვე სო­ცი­ა­ლუ­რი ქსე­ლის ათა­სო­ბით მომ­ხმა­რე­ბე­ლი ჩა­ერ­თო და ბოლო სა­ა­თე­ბია ის "ტვი­ტე­რის" მთა­ვა­რი ტრენდია.

სოციალურ ქსელებში ერთსიტყვიანი პოსტების კამპანიას საქართველოს პრეზიდენტი, სალომე ზურაბიშვილი შეუერთდა. „დამოუკიდებლობა“, – წერს საქართველოს პრეზიდენტი „ტვიტერში“.