თურქეთის პრეზიდენტმა, რეჯეფ თაიფ ერდოღანმა სტამბულში პალესტინის მხარდასაჭერად გამართულ აქციაზე სიტყვით გამოსვლისას, ისრაელის თავდასხმებს ღაზაში "ხოცვა" უწოდა და აღნიშნა, რომ ამაში მთავარი დამნაშავეები ისრაელის დასავლელი მოკავშირეები არიან.

„ისრაელს ჩვენ მსოფლიო ომის დამნაშავედ გამოვაცხადებთ. ჩვენ ამისთვის ვემზადებით და ჩვენ ისრაელს მსოფლიოს გავაცნობთ, როგორც ომის დამნაშავეს“, – აღნიშნა ერდოღანმა.

თურქეთის პრეზიდენტმა დასძინა, რომ ის არ მიიჩნევს „ჰამასს“ ტერორისტულ ორგანიზაციად.

მედიის ინფორმაციით, აღნიშნულ აქციაზე 1,5 მილიონი ადამიანი იყო შეკრებილი. დამსწრეებმა თურქეთის და პალესტინის დროშები აფრიალეს. ღონისძიება, სახელწოდებით დიდი პალესტინის აქცია, ათათურქის აეროპორტში გაიმართა.