რეჯეფ თაიფ ერდოღანი - თურქეთი გლობალურ ურთიერთობებს აწარმოებს და არ ცდილობს ღერძიდან გადახრას

ამბები/ წყარო: 1tv.ge
რეჯეფ თაიფ ერდოღანი - თურქეთი გლობალურ ურთიერთობებს აწარმოებს და არ ცდილობს ღერძიდან გადახრას
ამბებიწყარო: 1tv.ge

რეჯეფ თაიფ ერდოღანი - თურქეთი გლობალურ ურთიერთობებს აწარმოებს და არ ცდილობს ღერძიდან გადახრას

2 ოქტ

erimedia_ravk/WKLY1h4VR.jpeg

თურქეთი გლობალურ ურთიერთობებს აწარმოებს და არ ცდილობს ღერძიდან გადახრას, – თურქული მედიის ცნობით, აღნიშნულის შესახებ თურქეთის პრეზიდენტმა პარლამენტში სიტყვით გამოსვლისას განაცხადა.

„ზოგიერთები ცდილობდნენ ჩვენი საგარეო პოლიტიკური ინიციატივები, როგორც ღერძიდან გადახრა ისე წარმოეჩინათ. თუმცა, თურქეთი არ ცდილობს ღერძის ცვლილებას, ის საკუთარ ღერძს იმით აძლიერებს, რომ ჩვენი ეროვნული ინტერესების საფუძველზე, ერთდროულად სხვადასხვა დიპლომატიური ურთიერთობები აქვს მსოფლიოში“, – განაცხადა ერდოღანმა.

მისი თქმით, სამი კონტინენტის გზაჯვარედინზე მდებარე თურქეთი გლობალური მოვლენების მნიშვნელოვანი გავლენის ქვეშაა.

„თურქეთს იმის ფუფუნება არ აქვს, რომ ჩაიკეტოს, გარე სამყაროსგან იზოლირება მოახდინოს და თავის რეგიონში განვითარებულ მოვლენებს ღობესთან მდგომის პოზიციიდან უყუროს“, – განაცხადა პრეზიდენტმა.

ერდოღანმა ანკარას პოლიტიკას, გლობალური და რეგიონული პრობლემების გადაჭრის ინიციატივით, კონსტრუქციული და აქტიური უწოდა. მან ხაზგასმით აღნიშნა, რომ თურქეთი არ ესწრაფვის სხვა ქვეყნებთან ესკალაციას და არც ზეწოლას დანებდება, საიდანაც არ უნდა მოდიოდეს ის.

რუსეთ-უკრაინის მიმდინარე ომის შესახებ ერდოღანმა განაცხადა, რომ თურქეთი ირჩევს მშვიდობას, დიალოგს და ისწრაფვის იყოს სამართლიანი.

„ორივე ქვეყანასთან ჩვენი მჭიდრო ურთიერთობების გათვალისწინებით, ჩვენ ვამჯობინეთ ომის დასრულება, ნაცვლად ცეცხლის გაღვივებისა და ამბოხებისკენ წაქეზებისა“, – განაცხადა ერდოღანმა.

პრეზიდენტმა ასევე ისაუბრა სამხრეთ კავკასიაში არსებულ ვითარებაზე. ერდოღანმა ხაზგასმით აღნიშნა, რომ სომხეთმა სრულად უნდა ისარგებლოს რეგიონში გრძელვადიანი მშვიდობის შანსით და არ გამორიცხა შეხვედრა პრემიერ-მინისტრ ნიკოლ ფაშინიანთან.

​„ჩვენს მიერ დანიშნული სპეციალური წარმომადგენლების მეშვეობით ჩვენ გამოვავლინეთ ჩვენი ნება, რომ სომხეთთან ურთიერთობა ახალ დონეზე ავიყვანოთ. სომხეთმა კარგად უნდა გამოიყენოს ჩვენს მიერ წარმოდგენილი მშვიდობის შესაძლებლობა“, – აღნიშნა პრეზიდენტმა.

ნატო-ში გაწევრიანების შესახებ შვედეთისა და ფინეთის მცდელობაზე, ერდოღანმა განაცხადა, რომ თურქეთი გულმოდგინედ აკვირდება შვედეთისა და ფინეთის ძალისხმევას ნაკისრი ვალდებულებების შესასრულებლად.

„საბოლოო გადაწყვეტილებას ჩვენი ასამბლეა მიიღებს ჩვენი ერის სახელით. ვიდრე ჩვენი ქვეყნისთვის მიცემული დაპირებები არ შესრულდება, ჩვენ გავაგრძელებთ პრინციპულ და მტკიცე სტრუქტურას“, – აღნიშნა ერდოღანმა.

ხშირად ნანახი
Სარეკლამო
Სარეკლამო
მეტი სიახლეები ამბები
საფრანგეთის პარლამენტის ორივე პალატის დეპუტატთა ჯგუფი საგარეო ჩარევის შესახებ კანონპროექტის ტექსტზე შეთანხმდა
იტალიის საგარეო საქმეთა მინისტრი - იტალია უკრაინისთვის მიწოდებული იარაღის რუსეთის ტერიტორიაზე დარტყმებისთვის გამოყენებას არ დაუშვებს
გერმანია უკრაინას რუსეთის ტერიტორიაზე მათ მიერ მიწოდებული იარაღის გამოყენების უფლებას აძლევს
სლოვაკეთის პრემიერ-მინისტრი საავადმყოფოდან გაწერეს
ვიქტორ ორბანი - ნატო ყოველ კვირას სულ უფრო უახლოვდება ომს
Სარეკლამო
„როიტერი“ - ჩინეთი შვეიცარიაში, ივნისში დაგეგმილ უკრაინის სამშვიდობო სამიტს არ შეუერთდება, რადგან მხარს უჭერს რუსეთის და უკრაინის თანასწორ მონაწილეობას
ნიუ იორკის ნაფიც მსაჯულთა სასამართლომ დონალდ ტრამპი სისხლის სამართლის საქმეზე დამნაშავედ ცნო
თეთრი სახლის ცნობით, ოფიციალური ვიზიტის ფარგლებში, ჯო ბაიდენი 8 ივნისს საფრანგეთში ჩავა
„პოლიტიკო“ - ჯო ბაიდენმა უკრაინას ფარულად მისცა უფლება, აშშ-ის მიერ მიწოდებული იარაღის გამოყენებით რუსეთის ტერიტორიაზე დარტყმები განახორციელოს, თუმცა მხოლოდ ხარკოვის მახლობლად
საფრანგეთში დეპუტატები უცხოური ჩარევის წინააღმდეგ კანონის ტექსტზე შეთანხმდნენ
მეტის ჩვენება
Სარეკლამო