აზერბაიჯანის პრეზიდენტის, ილჰამ ალიევის მიწვევით, თურქეთის პრეზიდენტი რეჯეფ თაიფ ერდოღანი ხვალ ნახიჩევანის ავტონომიურ რესპუბლიკაში ჩავა.

ორი ქვეყნის ლიდერები მოლაპარაკებებს ორმხრივი და გაფართოებული ფორმატით გამართავენ.

თურქული მედიის ცნობით, შეხვედრისას ორი ქვეყნის ურთიერთობები, ასევე რეგიონული და საერთაშორისო მოვლენები იქნება განხილული. მოლაპარაკებებისას ილჰამ ალიევი და რეჯეფ თაიფ ერდოღანი ყარაბაღში აზერბაიჯანის მიერ ჩატარებულ ოპერაციას და შეიარაღებული სომხური ფორმირებების განიარაღების პროცესსაც განიხილავენ.

საუბრის თემა ასევე იქნება ზანგეზურის დერეფანი, რომელმაც აზერბაიჯანი ნახიჩევანის ავტონომიურ რესპუბლიკასთან უნდა დააკავშიროს.