2 სექტემბერი, 2022

აშშ-ის წარმომადგენელთა პალატის წევრმა, „რესპუბლიკელმა“ კონგრესმენმა, ჯეფ ვან დრიუმ განაცხადა, რომ ყოფილი პრეზიდენტის, დონალდ ტრამპის მიმართ მიმდინარე გამოძიება, საიდუმლო დოკუმენტების სავარაუდო არასწორად გამოყენების გამო, არის იმის ნიშანი, რომ ვაშინგტონს მისი "ეშინია".

ვან დრიუს ჰკითხეს ახლახან გამოქვეყნებულ სურათებზე, სადაც ნაჩვენებია საიდუმლო დოკუმენტები, რომლებიც ინახება ტრამპის მარ-ა-ლაგოს რეზიდენციაში. კონგრესმენის თქმით, "ეს არ ამართლებს" დარბევას: "ჩვენ ნამდვილად არ ვიცით, რას აკეთებენ ისინი და თუ მათ ნამდვილად სურდათ, რამე გვენახა, მაშინ ყველაფერს არ დაარედაქტირებდნენ".

"ეს მე ცოტათი მაგონებს რუსულ შეთქმულებას, რომელსაც აქტიურად აწარმოებდნენ არჩევნებამდე. ჩვენ ვიცით ამას რაც მოჰყვა და რამდენად მტკივნეულია. ახლა ჩვენ გვაქვს შუალედური არჩევნები და ისინი ზუსტად იმავეს იმეორებენ," - დასძინა ვან დრიუმ.

"მე არ ვამბობ, რომ გამოძიების ფედერალური ბიუროს (FBI) ყველა აგენტი და ყველა ადამიანი, რომელიც საოლქო ოფისებში მუშაობს ცუდია, იქ ბევრი კარგი ადამიანია. მაგრამ ზევით მყოფი ხალხი არ არის ისეთი, როგორიც უნდა იყოს," - განაცხადა კონგრესმენმა.

„ვაშინგტონი დაძველებული, ლაყე კვერცხივითაა. დონალდ ტრამპმა ის გატეხა და საშუალება მოგვცა დაგვენახა და შეგვეგრძნო მთელი სიმყრალე - რაც იქ ხდება, ცუდი და არასწორია. ბევრი რამ შეთხზულია.

ისინი არ ზრუნავენ იმაზე, რაც სერიოზულ პრობლემას წარმოადგენს. მხოლოდ ერთი ადამიანით არიან შეპყრობილები, ვინაიდან, მისი ეშინიათ," - დასძინა ჯეფ ვან დრიუმ.