რომის პაპი უკრაინაში "უაზრო და ტრაგიკული ომის" დასრულების მოწოდებით გამოდის
13 სექტემბერი, 2022
რომის პაპი ფრანცისკე უკრაინაში "უაზრო და ტრაგიკული ომის" დასრულების მოწოდებით გამოდის.
კათოლიკური ეკლესიის მეთაურმა აღნიშნულზე განცხადება ყაზახეთში სამდღიანი ვიზიტისას გააკეთა.
პაპი ფრანცისკე ყაზახეთის დედაქალაქ ნურ-სულთანში ქვეყნის პრეზიდენტს, ყასიმ-ჟომართ თოყაევს შეხვდა.
ხვალ და ზეგ პონტიფიკი მონაწილეობას მიიღებს რელიგიათაშორის შეხვედრაში, რა დროსაც 50 ქვეყნიდან მუსლიმი, ქრისტიანი, ებრაელი, ბუდისტი, შინტო და სხვა რელიგიური ჯგუფის 100-ზე მეტი დელეგაცია შეიკრიბება.
დასავლური მედიის ცნობით, რომის პაპის მოგზაურობა ჩინეთის პრეზიდენტის, სი ძინპინის ყაზახეთში ვიზიტს ემთხვევა.
როგორც მედია წერს, რელიგიათაშორისი კონფერენციის ფარგლებში, ყაზახეთში პაპი ფრანცისკე რუსეთის მართლმადიდებელი ეკლესიის მეთაურს, პატრიარქ კირილეს უნდა შეხვედროდა, თუმცა, რუსეთის სულიერმა ლიდერმა გასულ თვეში საკუთარი ვიზიტი გააუქმა.
