16 სექტემბერი, 2022

პაპმა ფრანცისკემ განაცხადა, რომ მორალურად ლეგიტიმურია, რომ რუსული აგრესიისგან თავის დასაცავად ქვეყნებმა უკრაინას იარაღი მიაწოდონ.

პონტიფიკოსმა კომენტარი ყაზახეთში სამდღიანი ვიზიტის შემდეგ გააკეთა.

„ეს არის პოლიტიკური გადაწყვეტილება, რომელიც შეიძლება იყოს მორალური, მორალურად მისაღები, თუ ეს მორალის პირობებში მიიღება. თავდაცვა არა მხოლოდ კანონიერი, არამედ სამშობლოსადმი სიყვარულის გამოხატულებაა. ვინც რაღაცას არ იცავს, ის არ უყვარს. ისინი, ვინც იცავენ რაღაცას, ის უყვარს“, - აღნიშნა მან.

პონტიფიკოსის თქმით, სხვა ქვეყნისთვის იარაღის მიწოდება, შეიძლება ამორალური იყოს, თუ განზრახვა მეტი ომის პროვოცირებაა, ან იარაღის გაყიდვა ან გადაყრა, რომელიც ქვეყანას აღარ სჭირდება.

ამასთან, კათოლიკური ეკლესიის მეთაურმა ოფიციალურ კიევს მოუწოდა, ღია იყოს საბოლოო დიალოგისთვის.

პაპმა დასძინა, რომ „ყოველთვის რთულია დიალოგის გაგება ქვეყნებთან, რომლებმაც ომი დაიწყეს…"

"რთულია, მაგრამ ეს არ უნდა იყოს უარყოფილი”, - დასძინა პაპმა.