რუსეთი ცდილობს სასურსათო კრიზისი შექმნას - ვოლოდიმირ ზელენსკი
რუსეთი მსოფლიოს შიმშილით აშანტაჟებს, განაცხადა უკრაინის პრეზიდენტმა ვოლოდიმირ ზელენსკიმ მის ტრადიციულ ვიდეომიმართვაში.
პრეზიდენტი განმარტავს, რომ რუსეთს ფედერაციის ლიდერები კიდევ ერთხელ აყენებენ მსოფლიოს სასურსათო კრიზისის ზღვარზე და რიგ ქვეყნებში საკვები ძვირდება.
"ფაქტები მიუთითებს იმაზე, რომ რუსეთის ხელმძღვანელობა უფრო მეტად დაინტერესებულია სასურსათო კრიზისის გამწვავებით, ვიდრე ხელმოწერილი დოკუმენტების შესრულებით. სხვათა შორის, ეს არის პასუხი ყველასთვის, ვინც რუსეთთან მოლაპარაკებებზე საუბრობს", - განაცხადა ზელენსკიმ.
უკრაინის პრეზიდენტი პირობას დებს, რომ უკრაინა, ყველაფერს გააკეთებს იმისათვის, რომ მარცვლეულის ექსპორტის ინიციატივამ ფუნქციონირება განაგრძოს.
პარალელურად, NATO მოსკოვს მოუწოდებს, დაუყოვნებლივ განაახლოს გაეროს შუამავლობით მიღწეული შეთანხმება, რომელიც უკრაინას შავი ზღვის გავლით მარცვლეულის ექსპორტის საშუალებას აძლევდა. NATO-ს სპიკერის ოანა ლუნგესკუს განცხადებით, პრეზიდენტმა პუტინმა უნდა შეწყვიტოს საკვების იარაღად გამოყენება, დაასრულოს უკანონო ომი უკრაინაში და დაუყოვნებლივ განაახლოს შეთანხმება.
