15 აგვისტო, 2022

რუსეთი ჩრდილოეთ კორეასთან ორმხრივ ურთიერთობებს განავითარებს. ინფორმაციას „ბიბისი“ ავრცელებს. ჩრდილოეთ კორეის გათავისუფლების დღესთან დაკავშირებით კიმ ჩენ ინისთვის ​გაგზავნილ წერილში, ვლადიმერ პუტინი აცხადებს, რომ სულ უფრო მჭიდრო კავშირების განვითარება ორივე ქვეყნის ინტერესებშია და კორეის ნახევარკუნძულსა და ჩრდილო-აღმოსავლეთ აზიაში უსაფრთხოების განმტკიცებას დაეხმარება. საპასუხო წერილში კიმ ჩენ ინი აღნიშნავს, რომ მოსკოვსა და ფხენიანს შორის მეგობრობას მეორე მსოფლიო ომის დროს, იაპონიაზე გამარჯვებით ჩაეყარა საფუძველი. „მას შემდეგ კი, სხვა დონეზე გადავიდა სტრატეგიული და ტაქტიკური თანამშრომლობა, მხარდაჭერა და სოლიდარობა“, – აღნიშნავს კიმ ჩენ ინი. ავტორი - სალომე თორაძე