რუსეთის მტკიცებით, ზაპოროჟიეში ობიექტზე, სადაც უკრაინული ვერტმფრენების შეკეთება მიმდინარეობს, იერიში მიიტანეს
28 აგვისტო, 2022
რუსეთის თავდაცვის სამინისტროს განცხადებით, მათმა ძალებმა ზაპოროჟიეს რეგიონში მდებარე ობიექტზე, სადაც უკრაინული ვერტმფრენების შეკეთება მიმდინარეობს, იერიში მიიტანეს.
„რუსეთის საჰაერო-კოსმოსური ძალების მაღალი სიზუსტის იარაღით ქალაქ ზაპოროჟიეში, Motor Sich -ის ქარხნის ტერიტორიაზე, იერიში მიიტანეს საწარმოო მაღაზიებზე, რომლებშიც უკრაინის საჰაერო ძალების ვერტმფრენების შეკეთება მიმდინარეობდა”, - აღნიშნულია რუსეთის თავდაცვის უწყების განცხადებაში.
ოფიციალური მოსკოვი ასევე აცხადებს, რომ უკრაინული ძალები ბოლო ორი დღის განმავლობაში ზაპოროჟიეს ატომურ ელექტროსადგურს ბომბავენ.
ცნობისთვის, უკრაინა და რუსეთი, რადიაციული გაჟონვის პოტენციური საფრთხის ფონზე, ევროპის უდიდესი ბირთვული ობიექტის სიახლოვეს განხორციელებულ დაბომბვებში ერთმანეთის დადანაშაულებას აგრძელებენ.
