მოსკოვმა ვაშინგტონისგან სტრატეგიული სტაბილურობისა და შეიარაღების კონტროლის შესახებ დიალოგის განახლების წინადადება მიიღო, - ამის შესახებ რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა.

"შეერთებული შტატები გვთავაზობს სისტემატურ რეჟიმში დიალოგს სტრატეგიული სტაბილურობის და შეიარაღების კონტროლის შესახებ და თან, ამის გაკეთებას იმ ყველაფრისგან დამოუკიდებლად, რაც ხდება, ჩვენ ამისთვის მზად არ ვართ", - განაცხადა საგარეო საქმეთა მინისტრის მოადგილემ

რუსეთის საგარეო უწყებაში ამბობენ, რომ წინადადებები წერილობით გაკეთდა, თუმცა, არაფორმალური სახით და ახლა მათი ანალიზი უწყებათაშორის ფორმატში მიმდინარეობს.

რიაბკოვის განცხადებით, სტრატეგიულ სტაბილურობაზე, მათ შორის სტრატეგიულ შეტევით იარაღზე და სხვა საკითხებზე დიალოგი უბრალოდ შეუძლებელია შეერთებული შტატების მხრიდან რუსეთის მიმართ ფუნდამენტური მტრული კურსის შეცვლის გარეშე.