რუსეთის საკონსტიტუციო სასამართლომ დღეს უკრაინის ოთხი ტერიტორიის ანექსია კანონიერად ცნო. ინფორმაციას “ფრანს-პრესი“ ავრცელებს.

რუსეთის პრეზიდენტმა ვლადიმერ პუტინმა პარასკევს კრემლში გრანდიოზული ცერემონია მოაწყო, სადაც ე.წ. რეფერენდუმის შედეგების საფუძველზე, დონეცკის, ხერსონის, ლუგანსკისა და ზაპოროჟიეს ანექსიის შესახებ განაცხადა.

რუსეთის სახელმწიფო დუმის თავმჯდომარის, ვიაჩესლავ ვოლოდინის განცხადებით, ანექსიის ხელშეკრულებებს რუსეთის პარლამენტის ქვედა პალატა, სახელმწიფო სათათბირო ორშაბათს განიხილავს.