რუსეთის პრეზიდენტმა, ვლადიმერ პუტინმა ხელი მოაწერა განკარგულებებს ხერსონისა და ზაპოროჟიეს ოლქების ე.წ. დამოუკიდებელ ტერიტორიებად აღიარების შესახებ. ინფორმაციას რუსული მედია საშუალებები ავრცელებენ.

"საერთაშორისო სამართლის საყოველთაოდ აღიარებული პრინციპებისა და ნორმების შესაბამისად, ხალხთა თანასწორობისა და თვითგამორკვევის პრინციპის აღიარებით და დამტკიცებით, რომელიც გაერო-ს წესდებაშია დაფიქსირებული, ხერსონის მოსახლეობის ნების შესაბამისად, რომელიც მათ 2022 წლის 27 სექტემბერს რეფერენდუმით გამოხატეს, ვადგენ: აღიარებულ იქნას ხერსონის ოლქის სუვერენიტეტი და დამოუკიდებლობა", - ნათქვამია დოკუმენტში.

მეორე ანალოგიურ დადგენილებაში ზაპოროჟიეს ოლქის სუვერენიტეტი და დამოუკიდებლობა არის აღიარებული.