სააპელაციო სასამართლო დონალდ ტრამპის სასამართლო პროცესს, რომელიც სამოქალაქო თაღლითობის ბრალდებით იმართება, არ გადადებს, – ამის შესახებ „როიტერი“ წერს.

ნიუ იორკის სააპელაციო სასამართლომ უარი თქვა დონალდ ტრამპის სამოქალაქო თაღლითობის საქმეზე 2 ოქტომბერს დაგეგმილი სასამართლო პროცესის გადადებაზე.

ამასთან ერთად, სასამართლომ გააუქმა მოსამართლე დევიდ ფრიდმანის 14 სექტემბრის ბრძანება სასამართლო პროცესის შეჩერების შესახებ.

ცნობისთვის, დონალდ ტრამპს გენერალურმა პროკურორმა, ლეტიცია ჯეიმსმა გასული წლის სექტემბერში უჩივლა. მან ტყუილში დაადანაშაულა ტრამპი და მისი სამი შვილი, დონალდ ტრამპ უმცროსი, ერიკ და ივანკა ტრამპები. ჯეიმსი ამტკიცებდა, რომ თაღლითობა იყო ჩადენილი საბანკო სესხებზე უკეთესი პირობების მისაღებად და ნაკლები გადასახადის გადახდის მიზნით.