საბერძნეთის პარლამენტმა ერთნაირსქესიანთა ქორწინების შესახებ კანონი დაამტკიცა და პირველი მართლმადიდებელი ქვეყანა გახდა, რომელმაც აღნიშნული კანონი მიიღო. ახალი კანონის თანახმად, ერთნაირსქესიან ოჯახებს ბავშვების შვილად აყვანაც შეეძლებათ. ინფორმაციას ამის შესახებ BBC ავრცელებს.

პარლამენტში კენჭისყრაზე კანონს მხარი სულ 176-მა დეპუტატმა დაუჭირა, ხოლო 76 წინააღმდეგი იყო.

კა­ნო­ნის მი­ღე­ბას ხელი შე­უ­წყო პი­რა­დად საბერძნეთის პრე­მი­ერ-მი­ნის­ტრმა კი­რი­ა­კოს მი­ცო­ტა­კის­მა. „ეს არის ის­ტო­რი­უ­ლი ეტა­პი ადა­მი­ა­ნის უფ­ლე­ბე­ბის­თვის, რო­მე­ლიც ასა­ხავს დღე­ვან­დელ სა­ბერ­ძნეთს - პროგ­რე­სულ, დე­მოკ­რა­ტი­ულ ქვე­ყა­ნას, რო­მელ­საც სჯე­რა ევ­რო­პუ­ლი ღი­რე­ბუ­ლე­ბე­ბის“, - და­წე­რა მან სო­ცი­ა­ლურ მე­დია X-ზე.

საბერძნეთის პრემიერ-მინისტრი წინააღმდეგობებს თავისივე პარტიაშიც შეხვდა. კანონის წინააღმდეგ ასევე გამოვიდა საბერძნეთის ყოფილი პრემიერ-მინისტრი ანტონის სამარასი. მისი თქმით, ერთაირსქესიანთა ქორწინება არ არის ადამიანის უფლებები და ეს კანონი არ უნდა მიეღოთ.

აღნიშნული კანონის წინააღმდეგ თავისი უარყოფითი პოზიცია დააფიქსირა საბერძნეთის მართლმადიდებლურმა ეკლესიამაც. ელადის მართლმადედებელი ეკლესიის მეთაურმა, ათენისა და სრულიად ელადის მთავარეპისკოპოსმა, იერონიმე II-მ გა­ნა­ცხა­და, რომ ახა­ლი კა­ნო­ნი არის მცდე­ლო­ბა ქვე­ყა­ნა­ში ახა­ლი რე­ა­ლო­ბა შეიქ­მნას, რო­მე­ლიც სა­ზო­გა­დო­ე­ბის სტრუქ­ტუ­რას ანგრევს.

ათენ­ში ახა­ლი კა­ნო­ნის წი­ნა­აღ­მდეგ აქ­ცია გა­ი­მარ­თა.