საჯარო რეესტრმა პარტია „კონსერვატიული მოძრაობის“ რეგისტრაცია გააუქმა. მათი ინფორმაციით, გადაწყვეტილებას საფუძვლად დაედო პარტიის რეგისტრაციისას არსებული რამდენიმე დარღვევა.

საჯარო რეესტრში აცხადებენ, რომ პარტიის განახლებულ წესდებას, რომელიც სააგენტოში 2021 წლის 6 დეკემბერს შევიდა, არ ჰქონდა პარტიის დამფუძნებელი ყრილობის ყველა წევრის ხელმოწერა, როგორც ამას კანონი მოითხოვს.

თავის მხრივ „კონსერვატიულ მოძრაობაში“ აცხადებენ, რომ აპირებენ გააპროტესტონ საპარლამენტო არჩევნების წინ საჯარო რეესტრის ეროვნული სააგენტოს მიერ მიღებული გადაწყვეტილება.

საპროტესტო აქცია „კონსერვატიული მოძრაობის“ წევრებმა უკვე დააანონსეს, რომელიც ქართული ოცნების ოფისთან გაიმართება.