საქართველოს ეროვნული გუნდი მსოფლიოს საკალათბურთო ჩემპიონატზე სათამაშოდ იაპონიაში დღეს დილით გაემგზავრა. კუნძულ ოკინავაზე ჩასვლის შემდეგ კალათბურთელები მზადების ბოლო ეტაპს ხვალიდან შეუდგებიან.

22 აგვისტოს ილიას ზუროსის მომზადებული გუნდი ტურნირის დაწყებამდე ბოლო საკონტროლო შეხვედრას მსოფლიო რეიტინგში მეოთხე ადგილზე მყოფ ავსტრალიელებთან გამართავს.

მსოფლიო ჩემპიონატის ჯგუფურ ეტაპზე კი, ქართველი კალათბურთელების მეტოქე სლოვენიის, ვენესუელისა და კაბო ვერდეს ნაკრები გუნდები იქნებიან. გათამაშებას საქართველოს ეროვნული გუნდი 26 აგვისტოს, კაბო ვერდელებთან შეხვედრით დაიწყებს.

ეროვნული გუნდის ღირსებას ჩემპიონატზე დაიცავენ: თორნიკე შენგელია, სანდრო მამუკელაშვილი, გიორგი ცინცაძე, რატი ანდრონიკაშვილი, ლუკა ლიკლიკაძე, თად მაკფადენი, დუდა სანაძე, კახა ჯინჭარაძე, მიხეილ ბერიშვილი, გიორგი შერმადინი, გოგა ბითაძე და გიორგი ტურძილაძე.