საქართველოს პრემიერ-მინისტრის ინიციატივით, 9-დან 15 ოქტომბრამდე, მთელი საქართველოს მასშტაბით, ახალი, ყოველწლიური ფესტივალი „ღვინის დღეები საქართველოში“ აღინიშნება.

როგორც მთავრობის ადმინისტრაციის მიერ გავრცელებულ ინფორმაციაშია ნათქვამი, ფესტივალის ფარგლებში მსურველებს საშუალება ექნებათ გაეცნონ და დააგემოვნონ მრავალფეროვანი ქართული ღვინო, ეზიარონ 8000-წლიან უწყვეტ ტრადიციას და დაათვალიერონ ღვინის მარნები. სტუმრებს შეეძლებათ მონაწილეობა მიიღონ გასართობ ღონისძიებებში და ისიამოვნონ ქართული სამზარეულოთი, მუსიკით, ცეკვითა და სიმღერით.

"ერთად აღვნიშნოთ ღვინის დღეები ღვინის სამშობლოში", - ნათქვამია გავრცელებულ ინფორმაციაში.