საქართველოს ნაკრები ევრო 2024-ის პლეი ოფის ნახევარფინალში ყაზახეთს შეხვდება
28 სექტემბერი, 2022
ერთა ლიგის C დივიზიონში ბოლო შეხვედრები მეორე ჯგუფში გაიმართა, ერთ-ერთის შედეგი საქართველოს ნაკრებისთვის მნიშვნელოვანი იყო. საბერძნეთმა ჩრდილოეთ ირლანდია (3:1) დაამარცხა და ცნობილი გახდა, რომ ჩვენი გუნდი ევრო 2024-ის პლეი ოფის ნახევარფინალში ყაზახეთს დაუპირისპირდება.
საქართველოს საფეხბურთო ნაკრები C4 ჯგუფის გამარჯვებულია, B დივიზიონში დაწინაურდა და 16 ქულით ერთა ლიგის C დივიზიონის საუკეთესო გუნდის სტატუსი მოიპოვა. „ჯვაროსნები“ ევრო 2024-ის პლეი ოფის ნახევარფინალს მასპინძლის რანგში ჩაატარებნდენ, მაგრამ ვისთან, ეს საბერძნეთი-ჩრდილოეთ ირლანდიის შედეგზე იყო დამოკიდებული.
საბერძნეთის ნაკრებმა თამაში კარგად დაიწყო და მე-14 წუთზე დიმიტრის პელკასის გოლით დაწინაურდა. ჩრდილოირლანდიელებმა 4 წუთში წონასწორობა შეინ ლეივერის გოლით აღადგინეს, მაგრამ ბერძნებმა მეორე ნახევარში უპირატესობა მოიპოვეს და მიზანს მაინც მიაღწიეს. 55-ე წუთზე გეორგიოს მასურასმა მასპინძლები მეორედ დააწინაურა, ხოლო საბოლოო ანგარიში მე-80 წუთზე პეტროს მანტალოსმა დააფიქსირა და ბერძნებმა 3:1 მოიგეს.