საქართველოს კალათბურთელთა ეროვნული ნაკრები მსოფლიო ჩემპიონატის შემდეგ ეტაპზე გავიდა. პირველი ჯგუფური ეტაპის ბოლო შეხვედრაში „ჯვაროსნები“ ვენესუელის ნაკრებს დაუპირისპირდნენ და ანგარიშით 70 - 59 დაამარცხეს.

თამაში ჩვენი გუნდის დიდი უპირატესობით წარიმართა. შეხვედრის ყველაზე შედეგიანი მოთამაშე ჩვენი გუნდის კაპიტანი თორნიკე შენგელია გახდა, რომლის ანგარიშზეც 25 ქულა და 3 მოხსნაა. გოგა ბითაძემ კი ორმაგი დუბლი შეასრულა - 11 ქულა და 11 მოხსნა.

საქართველოს ნაკრები ტურნირზე ასპარეზს უკვე ფილიპინებზე, K ჯგუფში გააგრძელებს, სადაც მისი მეტოქეები სლოვენია, გერმანია და ავსტრალია იქნებიან. შემდეგ თამაშს ჩვენი ნაკრები 1-ელ სექტემბერს, გერმანიის ნაკრების წინააღმდეგ გამართავს.

საქართველოს ეროვნული ნაკრები მსოფლიო ჩემპიონატზე ისტორიაში პირველად თამაშობს.