17 სექტემბერი, 2022

21 სექტემბერს, ღვთისმშობლის შობის დღესასწაულზე,  საქართველოს ყველა ეკლესიაში საზეიმო წირვა ჩატარდება. ამ დღეს მახათას მთის ივერიის ღვთისმშობლის ხატის სახელობის ტაძარში დაბრძანებული იქნება ათონის მთიდან ჩამობრძანებული ღვთისმშობლის სასწაულთმოქმედი ხატის, -  „მანუგეშებლის“  ასლი და აღვლენილი იქნება საზეიმო ლიტურგია.

წირვას საპატრიარქოს ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი)  მღვდელმთავრებთან და სამღვდელოებასთან ერთად ჩაატარებს. წირვაში, ასევე,  მონაწილეობას მიიღებს ათონის მთის ვატოპედის მონასტრის წინამძღვარი, არქიმანდრიტი ეფრემი.

ლიტურგია 10:00 საათზე დაიწყება.

ინფორმაციას აღნიშნულის შესახებ საქართველოს საპატრიარქო ავრცელებს.