დღეს, თბილისის დროით 08:00 საათზე, თბილისიდან 4 კმ-ში, სოფელ ლელუბანთან 4.7 (ML) მაგნიტუდის სიდიდის მიწისძვრა მოხდა. მიწისძვრა თბილისის მოსახლეობისთვისაც საგრძნობი იყო.

სეისმური მონიტორინგის ეროვნული ცენტრის ინფორმაციით, მოგვიანებით საქართველოში კიდევ ერთი მიწისძვრა მოხდა. 09:21 საათზე მომხდარი მიწისძვრის სიმძლავრემ 3 მაგნიტუდა შეადგინა, ეპიცენტრი კი ლაგოდეხიდან 12 კილომეტრში, სოფელ რაჭისუბანში იყო.