30 აგვისტო, 2022

2022 წლის 7 თვეში საზღვაო გადაზიდვებით სავაჭრო ბრუნვა 820 მლნ აშშ დოლარით გაიზარდა. კერძოდ, საქსტატის მონაცემებით, წელს, 7 თვეში სატრანსპორტო საშუალებებს შორის, წყლის ტრანსპორტით სავაჭრო ბრუნვამ 3,731 მლრდ აშშ დოლარი შეადგინა, გასული წლის ანალოგიურ პერიოდში - 2,911 მლრდ აშშ დოლარი. საერთო ჯამში, საზღვაო გადაზიდვებზე საქართველოს მთლიანი საგარეო ვაჭრობის 36,6% მოდის. 2022 წლის 7 თვეში საგარეო ვაჭრობის ბრუნვის მოცულობამ 10,188 მლრდ დოლარი შეადგინა.

ამასთან, წელს 7 თვეში საბორნე გადაზიდვებით ექსპორტიდან მიღებულმა შემოსავალმა 1,444 მლრდ აშშ დოლარი შეადგინა, წინა წლის იგივე პერიოდში 1,081 მლრდ აშშ დოლარი.

რაც შეეხება იმპორტს, 2022 წლის იანვარ-ივლისში, საზღვაო გადაზიდვებით 2,287 მლრდ აშშ დოლარის პროდუქტი შემოვიდა, 2021 წლის 7 თვეში კი - 1,830 მლრდ აშშ დოლარის.

„ბიზნესპრესნიუსი“ დაინტერესდა იმ ქვეყნების ჩამონათვალით, სადაც ყველაზე მეტი (თანხის მოცულობით) საბორნე გადაზიდვები შესრულდა.

ტოპ-10 ქვეყანა, სადაც 2022 წლის 7 თვეში საზღვაო ტრანსპორტით ყველაზე მეტი ტვირთი გავიდა:

• ჩინეთი - 449,537 მლნ აშშ დოლარი
• ბულგარეთი - 226,574 მლნ აშშ დოლარი
• აშშ - 184,773 მლნ აშშ დოლარი
• უკრაინა - 108,903 მლნ აშშ დოლარი
• პერუ - 103,340 მლნ აშშ დოლარი
• რუსეთი - 64,201 მლნ აშშ დოლარი
• ესპანეთი - 24,301 მლნ აშშ დოლარი
• ინდოეთი - 22,785 მლნ აშშ დოლარი
• იტალია - 20,772 მლნ აშშ დოლარი
• რუმინეთი - 19,359 მლნ აშშ დოლარი

ტოპ-10 ქვეყანა, საიდანაც 2022 წლის 7 თვეში საზღვაო ტრანსპორტით ყველაზე მეტი ტვირთი შემოვიდა:

• აშშ - 449,364 მლნ აშშ დოლარი
• ჩინეთი - 360,018 მლნ აშშ დოლარი
• რუმინეთი - 165,652 მლნ აშშ დოლარი
• იაპონია - 137,573 მლნ აშშ დოლარი
• ბულგარეთი - 104,391 მლნ აშშ დოლარი
• ბრაზილია - 97,220 მლნ აშშ დოლარი
• ჩილე - 92,251 მლნ აშშ დოლარი
• რუსეთი - 85,002 მლნ აშშ დოლარი
• უკრაინა - 67,814 მლნ აშშ დოლარი
• ინდონეზია - 64,942 მლნ აშშ დოლარი